په بغلان کې د ۳۵،۵ ميليونه افغانیو په ارزښت د درې پلونو جوړولو چارې پیل شوې
د کليو بیارغونې او پراختیا وزارت د کليوالي لار جوړولو ملي پروګرام له لوري د بغلان ولایت په ده صلاح او پلحصار ولسوالیو کې د ۳۵،۵ ميليونه افغانیو په ارښت د درو پلونو جوړولو چارې پیل شوې.
د دې پلونو جوړولو په کاري بهیر کې د سیمې خلکو ته ۱۳۵۰۰ کاري ورځې رامنځته کېږي او د اندراب درې ولسوالۍ( بنو، ده صلاح او پلحصار) به په مستقیم ډول او د خوست، فرنګ او ګذرګاه نور ولسوالۍ به په غیر مستقیم ډول له یو بل سره ونښلوي.
