په ننګرهار ولایت کې د ۱ میلیون افغانیو به لګښت یو جومات بشپړیدو ته نږدی دی
د کلیو بیارغونې او پراختیا وزارت د ولسي تړون ملي پروګرام له لوري د ۱ میلیون افغانیو په لګښت د یوه جومات د ودانۍ کار د ننګرهار ولایت د کوټ ولسوالۍ د تریلې بهار مینې د پراختیایي شورا لخوا روان دی. یاد جومات په ۱۱۲ متره مربع ځمکه کې جوړیږي چې د جوړیدو کار یې ۷۰ سلنه پرمخ تللی دی. دغه جومات به په ۳ میاشتو کې بشپړ شي او د کار په بهیر کې به یې هره ورځ ۳۰ ماهرو او غیر ماهرو کاریګرو ته د کار زمینه برابره شي. د پروژې له بشپړیدو وروسته به د نوموړي کلي ۳۵۰ کورنۍ ترینه ګټه واخلي.
