د کليو بیارغونې او پراختیا وزیر د وزارت ۱۴ تقاعد شوي کارکوونکي وستایل
د کليو بیارغونې او پراختیا وزیر پوهنمل مجیب الرحمن کریمي د وزارت د بېلابېلو پروګرامونو ۱۴ تقاعد شوي کارکوونکي وستایل او د دوی د نماځنې په مراسمو کې یې وویل، چې د وزارت رهبري ستاسې د مخلصانه خدمتونو قدرداني کوي، د وزارت دروازې به ستاسې په مخ پرانېستې وي او ستاسې له تجربو به نور مامورین هم ګټه اخلي.
په دې ۱۴ تقاعد شویو کارکوونکو کې ( زیبا، ګلالي، نورمحمد، ګلاب الدین، محمد انور، محمد عیسی، ملاجان، حسام الدین، فیض محمد، سید صفدر شاه، عبدالحی، محمد نعیم، محمد حان او محمد عمر قانع ) شامل ول چې د وزارت رهبرۍ لخوا په ایورډونو وستایل شول.
د یادونې وړ ده، چې دا لومړي ځل دی، چې په وزارت کې د تقاعد شویو کارکوونکو ته د دوی د کړیو خدمتونو د درناوي او ستاینې غونډه جوړیږي.
