په نیمروز کې د نږدې ۱۱ میلیونه افغانیو په لګښت د لمريزې برېښنا د څلورو پروژو د جوړیدو کار روان دی
د کلیو د بیا رغونې او پراختیا وزارت د ولسي تړون ملي پروګرام له لوري د نږدې ۱۱ میلیونه افغانیو په لګښت د لمريزې برېښنا د څلورو پروژو د جوړیدو کار د نیمروز ولایت د چاربرجک ولسوالۍ اړوند د زارزوال، چيغني، مفرضهٔ عبدالغني او کرودي کليو د پراختیایي شوراګانو له لوري روان دی. دغه پروژې به د ۲۸ کيلو واټه برېښنا د توليد توان ولري او د بشپړیدو وروسته به ۲۷۳ کورنۍ ترې ګټه اخلي. د یادو پروژو د کار په بهیر کې به ۳۶۶۰ کاري ورځې سيمي ماهرو اوغیر ماهرو کاریګرو ته رامنځته شي او ژر به یې چارې بشپړې شي.
