په ننګرهار کې د کلیو بیارغونې او پراختیا وزارت د ۹ ټولکټو پروژو د بنسټ ډبره کیښودل شوه
د کلیو بیا رغونې او پراختیا وزارت د ولسي تړون ملي پروګرام له لوري د ننګرهار ولایت په چپرهار ولسوالۍ کې د ۲۱.۲ میلیونه افغانیو په ارزښت د ٧ شوراګانو اړوند د ٩ پروژو د بنسټ ډبره کیښودل شوه.
په یادو پروژو کې ٦ نیم کیلومتره کلیوالي سرکونه، ١٢٣٠ متره استنادي دیوالونه، ٢١٩٠ متره کانالونه، ١٨ څاګانې ،١٥ پلچکونه، داوبو پنځه ورخونه او ٣٠٠مترو په اوږدوالي ابرونو رغول شامل دي چې د چپرهار ولسوالۍ ډاګو منځ کلي، ناظر کلي، منځ ګلدرې ، جمال خان، ماڼو، لمزارې او ډاګو منځ کلي شوراګانو لخوا به یی چارې ددرې میاشتو په ترڅ کې بشپړې شي چې د سیمې اوسیدونکو ته به په بیلابیلو برخو کې د اسانتیاوو سربیره سلګونو کسانو ته د کار موندلو زمینه هم برابره شي.
