په بلخ ولایت کې د کلیوالي بازار نندارتون جوړ شو
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام « د کلیوالي بازار» تر نامه لاندې په بلخ ولایت کې یو نندارتون جوړ کړ.
دا نندارتون نن (پنجشنبه) د کلیو د بیارغونې او پراختیا ریاست استازو، مدني فعالانو، رسنیو او د دې ولایت د یو شمېر اوسیدونکو پر وړاندې د بلخ ولایت رابعه بلخی په مارکیت کې پرانستل شو، چې د پروګرام ۳۵ تنه ګټه اخیستونکو له چارکنت، دهدادی، بلخ او نهرشاهی ولسوالیو څخه په دې نندراتون کې خپل لاسي تولیدات نندارې او پلورنې ته وړاندې کړي.
د یادونې وړ ده، چې یاد نندارتون تر دوه راتلونکو ورځو به په بلخ ولایت کې روان وي.
