په کنړ ولايت کې د اوبو رسولو یوه جاذبوي شبکه ګټی اخيستنې ته وسپارل شوه
د کلیو د بیارغونې او پراختیا ریاست تر نظارت لاندې، د AHF مؤسسې په مالي ملاتړ او د SEARCH مؤسسې په تخنیکي همکارۍ د کنړ ولایت د نورګل ولسوالۍ په شولیټ کلي کې د اوبو رسولو د یوې جاذبوي شبکې چارې بشپړې او ګټې اخیستنې ته وسپارل شوه.
په دغه شبکه کې د (۳۶) متر مکعب په ظرفیت سره د اوبو یوه ذخیره، د (۱۷) عدده شیردهنونو نښلول او (۲۳۰۰) متره پايپ غځول شامل دي چې د دریو میاشتو په موده کې بشپړه او (۱۱۰) کورنۍ د څښاک پاکو اوبو څخه برخمنې شوې.
د یادونې وړ ده چې په یاد کلي کې د حفظ الصحې د مراعتولو په موخه (۶) عدده عامه مبرزونه جوړ او د روغتیا ساتنې (۴۰۰) کیټونه وویشل شول.
