په کابل او کاپیسا کې د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام لهخوا د مقطعي پانګې د لیږد پروسه
د کلیوالي اقتصاد د پیاوړتیا ملي پروګرام لهخوا په ټولو ولایتونو کې د نغدو مرستو د لیږد په ترڅ کې چې د «مقطعي پانګې» په نامه سره یادیږي، پروګرام دا ځل بلاعوضه مرسته د کابل ولایت په بګرامي او د کاپیسا ولایت په نجراب او محمود راقي ولسوالیو کې د یوې رسمې غونډې په ترڅ کې چې د یادو ولایتونو مرستیالان، د کلیو د بیارغونې او پراختیا رییسان او د پرمختیایې شوراګانو مشرانو په غونډه کې ګډون درلود؛ د پور او سپما کلیوالي اتحادیو ته وویشله.
د بلاعوضه لېږل شوې مرستې لومړۍ برخه د کابل ولایت د بګرامي ولسوالۍ دوه اتحادیو ته ۱۶۰ زره او د کاپیسا ولایت په نجراب او محمود راقي ولسوالیو کې ۴۱ اتحادیو ته څه د پاسه پنځه میلونه افغانیو ته رسېږي.
د یادونې وړ ده، چې په مختلفو قسطونو کې د دې مرستو په وسیله د پروګرام ګټه اخیستونکي د اتحادیو غړو ته حسنه پورونه ورکوي، تر څو د کوچنيو کاروبارونو د پیل او د شته کاروبارونو د پیاوړتیا لپاره له هغوی سره مرستندوی ثابت شي.
