په پکتیا کې د ۸ میلیونه افغانیو د ۴.۱۲۴ کیلو متره سړک د جوړولو د پروژې کار بشپړ شو
په پکتیا ولایت کې د کلیو د بیا رغونې او پرمختیا وزارت د سیمه ییز پروګرام له لوري د جغلي سړک د جوړولو د پروژې کار بشپړ شو.
د دغې پروژې په ترڅ کې د یاد ولایت د احمدخیلو ولسوالي په سکندرخیلو کلي کې د څه باندې ۸ میلیون افغانیو په ارزښت د ۴.۱۲۴ کیلو مترو په اوږدوالي جغلي سړک جوړ شو.
د دغې پروژې د تطبیق پر مهال چې له ملي بودیجې تمویل شوې ۲۴۴۶ کاري ورځې رامنځته شوي او اوس چې بشپړه شوه د سیمې ۴۲۰۰ اوسیدونکي به ترې ګټه پورته کړي. د یادونې وړ ده چې د دغې پروژې له لارې نه یواځې د سیمې د اوسیدونکو د تګ او راتګ ستونزه حل شوه بلکې مارکیټونو ته د ځايي بزګرانو د کرنیزو محصولاتو دچټک لیږد رالیږد په برخه کې یې هم د پام وړ مثبت اغیز شیندلی دی.
