په هلمند کې څه باندې د ۳۲۰ میلیونه افغانیوپه لګښت د ۱۸۵ پراخیتایي پروژو کارونه روان دي
د کلیو د بیا رغونې او پراختیا وزارت د ولسي تړون ملي پروګرام له لوري څه باندې د ۳۲۰ میلیونه افغانیو په لګښت د ۱۸۵ پراخیتایي پروژو کارونه د هلمند ولايت پر مرکز لښګر ګاه سربیره په نادعلي او ناوې ولسواليو کې روان دي. په دغو پروژو کي د پاکو اوبو ۱۰ ژورې څاګانې او ۱۷۵ د اوبو لګونې د معياري سیسټم د برابرولوکانالونه شامل دي چې ۳۵ په نادعلي، ۱۰۰ په ناوې او ۵۰ په لښګر ګاه کې ترکار لاندې دي. د نوموړو پروژو د کار په بهیر کې فني او غیر فني کاریګرو ته به ۱۵۳ زره کاري ورځې رامنځته کېږي او له بشپړیدو وروسته به ۲۰۰ زره تنه ترینه ګټه پورته کړي چې په دې منځ کې ۶۰۰ کورنیو ته به د څښاک پاکې اوبه برابرې شي. د یادونې وړ دی چې د اوبو لګولو په دغو پروژو سره به ۱۰۰ زره جریبه ځمکې خړوبه شي.
