په ننګرهار کې د ۵۶۳ متره استنادي دیوال د جوړولو کار روان دی
په ننګرهار ولایت کې د کلیو د بیا رغونې او پراختیا وزارت د سیمه ییز پروګرام له لوري د استنادي دیوال د پروژې کار ۹۵ سلنه مخ ته تللی دی. د دغې پروژې په ترڅ کې د یاد ولایت د کوټ ولسوالي په انارخیلو کلي کې د ۵۶۳ مترو په اوږدوالي ډبرین پوخ استنادي دیوال جوړیږي.
د یادې پروژې د تطبیق پر مهال چې له ملي بودیجې تمویل شوې ۱۷۶۸ کاري ورځې رامنځته کیږي او په بشپړیدو به یې د سیمې ۲۸۰۰ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به هلته نه یواځې د سیمې د بزګرانو کرنیزې ځمکې بلکې د سیمې ګڼ شمیر کورونه هم د موسمي سیلابونو له ګواښ څخه خوندي کړل شي.
