په ننګرهار کې د ۴ میلیونو افغانیو په ارزښت د اوبو رسولو یوه شبکه بشپړه شوه
د کلیو د بیارغونې او پراختیا وزارت په کلیوالي سیمو کې د اوبو رسولو او حفظالصحې د پروګرام له لوري د ننګرهار ولایت د ګوشتې ولسوالۍ په «اکاخېلو» کلي کې شاوخوا د ۴ میلیونو افغانیو په ارزښت ۲۰۰ کورنیو ته په کورونو کې پاکې اوبه برابرې شوې.
د اوبو رسولو په دغه پروژه کې د یوې ژورې څاه کیندل، د یوې جګې ذخیرې جوړول، د سولرونو لپاره د یوې احاطې جوړول، د درې کیلو متره اوږدې شبکې غځول، د ۱۸ سولرونو نصبول او په کورونو کې د نلبندانونو او نورو اړینو وسایلو نصبول شامل دی.
د یادونې وړ ده چې ددغې پروژې د جوړولو چارو د ځايي خلکو لپاره شاوخوا ۲۵۰۰ کاري ورځې هم رامنځته کړې وې.
