په لغمان کې ۳۷ متره د اوبو سربند او۶۰ متره د اوبو کانال د رغونې چارې پيل شوې
د کلیو بیارغونې او پرختیا وزارت د سیمه ییزو پروګرامونو د همغږۍ دفتر له لوري د ۴.۴ میلیونو افغانیو په ارزښت د لغمان ولایت د الیشنګ ولسوالۍ په غازي اباد سیمه کې ۳۷ متره د اوبو سربند ،۶۰ متره د اوبو کانال او ۱۱۵ متره استنادي دیوال د رغونې چارې پيل شوې. نوموړې پروژه د اړوندې سیمې محلي پرمختیايي شورا له لوري د یو کال په موده کې رغول کیږي، چې د رغونې د چارو په بشپړېدو سره به د سیمې په سلګونه جریبه کرنیزه ځمکه خړوبه کړي.
