په تیرو دوو اونیو کې د هیواد په ۹ ولایتونوکې د ۱۵ ښوونځيو ودانۍ جوړې شوي
د کلیو بیا رغونې او پراختیا وزارت د ولسي تړون ملي پروګرام د اقرا پروژې تر سیوري لاندې د تیرو دوو اونیو په ترڅ کې د هیواد په ۹ ولایتونو کې د ۱۵ ښوونځيو ودانۍ جوړې او ګټې اخیستنې ته سپارل شوې دي.
دا ښوونځي د ننګرهار ولایت په مومندره، د لوګر ولایت په برکي برک او محمد اغه، د کندهار په سپین بولدک، د هرات ولایت په کرخ، د بلخ ولایت په چهار بولک او دولت اباد، د کندز په امام صاحب، د فاریاب په پشتون کوټ او بلچراغ، د زابل په شاجوی او د میدان وردګ په نرخ او حصه اول بهسود ولسوالیو کې جوړ شوي دي چې په بشپړتیا سره یې نږدې ۵۰۰۰ زده کونکو ته د ښوونې او روزنې وړ چاپیریال رامنځ ته شو.
یاده دې وي چې دا ښوونځي ۱۲، ۸، ۶، یا ۴ ټولګي، تشنابونه او د څښاک د اوبو څاه ګانې لري او د جوړیدو په ترڅ کې یې تخنیکي او نا تخنیکي کارګرو ته ۴۴ زره او ۶۰۹ کاري ورځې هم رامنځ ته شوې وې.
