په تخار کې د ۴.۲ میلیونه افغانیو په ارزښت د اوبو رسولو یوه شبکه جوړه شوه
د کلیو بیا رغونې او پراختیا وزارت د اوبو رسولو او کلیوالي حفظ الصحې ملي پروګرام له لوري د تخار ولایت د رستاق ولسوالۍ په اچه قروق کلي کې د ۴.۲ میلیونه افغانیو په ارزښت د اوبو رسولو یوه شبکه جوړه او ګټې اخیستنې ته وسپارل شوه.
دا شبکه یوه ژوره څاه، د ۲۰ متره مکعبه په کچه یوه زیرمه، ۱۴ سولرې تختې، ۴۰۷۹ متره پایپ او ۱۳۰ نلکې لري چې د جوړولو په ترڅ کې یې لسګونو کارګرو ته د کار زمینه برابره شوې وه.
یاده دې وې چې د دې شبکې په جوړیدو سره ۲۰۰ کورنۍ او د مدرسو زده کونکي د څښاک له پاکو او صحي اوبو برخمن شول
