د لوګر ولایت په ازرې ولسوالۍ کې د کارګرانو لپاره د معاش ویش
د کلیو د بیارغونې او پراختیا ریاست او اکرو مؤسسې په همکارۍ او همغږۍ، د نړیوال خوراکي پروګرام (WFP) په مالي مرسته د کار په بدل کې خوراکي توکي د پروژې ۸۰۹ تنو کارګرانو ته د یوې میاشتې معاش وویشل شو. دغه کارګران د لوګر ولایت د ازرې ولسوالۍ په بیلابیلو کلیو کې د ۴۷ کیلو متر په اوږدوالي سره د کانال پاکولو، ۶۰ متر محافظوي دیوال د جوړولو او د ۷ کیلو متر په اوږدوالي سره د سړک جغل اچولو او جوړولو برخو کې ګمارل شوي ول د خپل یوې میاشتې معاش چې (۸۵۰۰) افغانۍ کیږي ترلاسه کړل. د یادونې وړ ده چې په یادو پروژو کې په هر پړاو کې د ټولو کارګرانو د معاش لس سلنه پر کونډو او د کورنیو سرپرست ښځو وړیا ویشل کیږي.
