د بدخشان- تخار پر لویه لار« زموږ کلی- زموږ ویاړ» د خرڅلاو مرکز پرانست
د افغان- تاجیک پر پوله د کلیو بیا رغونې او پراختیا وزارت د معیشت د ودې پروګرام (لیتاکا) د بدخشان- تخار د لویې لارې په اوږدو کې په سبزي بهار مینه کې نوی، نوی د ۶.۸ میلیونه افغانیو په لګښت او د جاپان د نړیوالو همکاریو ادارې (جایکا) په مرسته د شهر بزرګ ولسوالۍ او سبزي بهار کلي متشبیثینو لپاره د «زموږ کلی زموږ ویاړ» پروګرام پلورنځی پرانست.
یاده دې وي چې د لیتاکا پروګرام موخه د افغانستان- تاجکستان پر پوله د دواړو غاړو د پرتو ولسوالیو د خلکو د ژوندانه ښه کول، د سیمه ییزې حکومتولۍ پاوړتیا، ټولګټو زیر بناو ته لاسرسی او د پولیزې سوداګرۍ پرمختیا ده.
