په ننګرهار کې ۲۳۰ کورنیو ته د څښاک اوبه چمتو شوې
د کلیو بیارغونې او پراختیا وزارت د اوبو رسولو، اوبه خور او حفظ الصحې ملي پروګرام له خوا د ننګرهار د نازیانو ولسوالۍ په حیدرجان کلي کې د ۴.۲ میلیونه افغانیو په ارزښت د لمریزې بریښنا یوه د اوبو شبکه بشپړه او ګټې اخستنې ته وسپارل شوه. دا شبکه یوه ژوره څاه د ۲۰ متره مکعبه په ظرفیت یوه زیرمه، ۳۳۳۵ متره غزیدلی نل، د لمریزې بريښنا زیرمه کونکې ۲۷ تختې او ۹۰ نلکې لري. ددې پروژې په ترڅ کې ۱۹۵۵ کاري ورځې رامنځ ته شوې وې او تر بشپړتیا وروسته یې ۲۳۰ کورنیو د څښاک پاکو او صحي اوبو ته لاسرسی پیدا کړ.
