په بامیان ولایت کې د کلیوالي اقتصاد پیاوړتیا پروګرام په ګروپونو کې د غړیتوب د ترلاسه کولو روزنه ورکړل شوه
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام په بامیان ولایت کې د روزنو وړاندې کولو په لړ کې په اتم ځل د پروګرام ګټه اخیستونکیو ته په ګروپ کې د «غړیتوب» د ترلاسه کولو په اړه دوه ورځنۍ روزنه په دریو کلیو کې ورکړله.
په دې روزنو کې د ۲۰ سپما ګروپونو ۲۵۰ غړو چې تر اکثره یې کلیوالې مېرمنې وې، په اړوندو موضوعاتو لکه: د سپما ګروپونو جوړښت. د سپما ارزښت، د سپما ګروپونو د پياوړتیا پړاوونو، د پور او سپما کلیوالي اتحادیو ته د هغوی د لوړولو او د سپما ګروپونو د کلیدي غړو د مسوولیتونو په اړه معلومات ترلاسه کړل.
