په فاریاب کې پور او سپما دوه کلیوالي اتحاديې جوړې شوې
د کلیو بیارغونې او پراختیا وزارت د کلیوالي اقتصاد د پیاوړتیا ملي پروګرام له لوري د فاریاب ولایت د مېمنې ښار اړوند لقمان حکیم او د مقول بالا کلیو کې د ۲۵ سپما ګروپونو د کتابدارۍ او پور ورکولو له چارو څخه د څارنې او نظارت په موخه لیدنه وکړه. چې په پایله کې د یادو ګروپونو له لوري د پروګرام د ټاکل شویو معیارونو په تر سره کولو سره یې سپما ګروپونو ته ارتقاء ورکړل شوه. او له دوی څخه یې د پور او سپما دوه کلیوالي اتحادیې جوړې کړې.
د یادونې وړ ده، چې د کلیوالي اقتصاد د پياوړتیا ملي پروګرام پخپلې پنځه کلنې مودې کې د فاریاب ولایت په ۹۲ کلیو کې د پور او سپما ۹۲ اتحادیې جوړول په پام کې نیولي، چې له دې لارې به د یادو کلیو اوسېدونکیو ته د پورونو د راکړې ورکړې لپاره اسانتیاوې برابرې کړي .
