په کندز او نورستان ولایتونو کې د دوو ښونځيو ودانۍ جوړې شوې
د کلیو بیا رغونې او پراختیا وزارت د ولسي تړون ملي پروګرام د اقرا پروژې له خوا د نورستان د واما ولسوالۍ په کامګل کلي او د کندز ولایت د خان اباد ولسوالۍ په چهارتوت کلي کې د دوو ښوونځيو ودانۍ بشپړې شوي او د ننګرهار ولایت د کوز کونړ ولسوالۍ په ګار میلای کلي او د همدغه ولایت د شینوارو ولسوالۍ په کاسي کلي کې د دوو نورو ښوونځيو د جوړیدو کار پای ته نږدې شوې دی.
دا ښوونځي ۶ یا ۸ ټولګي، تشنابونه او د څښاک د اوبو څاه ګانې لري او د دې پروژې په ترڅ کې نږدې ۱۲ زره کاري ورځې رامنځ ته شوي.
یاده دې وي چې د جوړو شویو ښوونځيو په ګټې اخیستنې سره ۲۴۶ زده کوونکو ته د زده کړې وړ چاپیریال رامنځ ته شو او ۴۴۰ تنه نور به د جوړیدونکو ښوونځيو له ګټې برخمن شي.
