په پکتیا کې د ۳۰ میلیونه افغانیو په ارزښت ۴.۱ کیلو متره سړک جوړ شو
د کلیو بیا رغونې او پراختیا وزارت د کلیوالي لار جوړولو ملي پروګرام له لوري د پکتیا ولایت له ستر حرم کلي څخه د لجې منګل ولسوالۍ تر مرکز پورې د ۳۰ میلیونه افغانیو په ارزښت ۴.۱ کیلو متره سړک او د اوبو ایستلو سیستم یې جوړ او پر سړک کریړ واچول شو.
د دې سړک په جوړیدو سره ستر حرم، کوز حرم او رازق غونډۍ کلي د لجې منګل ولسوالۍ له مرکز سره ونښلول شول او ۲۸۰۰ کسان یې نیغ په نیغه له ګټو برخمن شول.
د یادونې وړ ده چې د دې پروژې د پلي کیدا په ترڅ کې ۴۸ زره او ۴۵۴ کاري ورځې رامنځ ته شوې وې.
