په غور کې د ۴ میلیونه افغانیو په ارزښت د اوبه خور د ۴۷۰ متره کانال جوړولو کار بشپړ شو
د کلیو بیا رغونې او پراختیا وزارت د سیمه ییزو پروګرامونو د همغږۍ دفتر له خوا د غور ولایت د لعل و سرجنګل ولسوالۍ په دهن چکه کلي کې د ۴ میلیونه افغانیو په ارزښت د اوبه خور د ۴۷۰ متره کانال جوړولو کار بشپړ شو.
د دې پروژې په ترڅ کې ۳۰۰۰ کاري ورځې رامنځ ته شوې وې او ۳۰۰۰ سیمه ییز خلک یې له ګټو برخمن شول.
د یادونې وړ ده چې دې کانال نه یوازې ۴۰۰ جریبه ځمکه او د سیمې باغونه د اوبه خور تر منظم پوښښ لاندې راوستل بلکې د کزنیزو ځمکو پر لوري د اوبو د تګلوري په اوږدو کې یې د اوبو د ضایع کیدو مخه هم ونیوله.
