په ۱۳۹۸ کال کې د کلیوبیارغونې اوپراختیا وزارت د بشري سرچینو ریاست د افغانستان د ملکي خدمتونو ادارې له لوري د بشري سرچینو د غوره ریاست په توګه ونومول شو
د کلیوبیارغونې اوپراختیا وزارت د بشري سرچینو ریاست د اداري اصلاحاتو او ملکي خدمتونو د خپلواک کمیسیون له لوري د مکافاتو د فرهنګ د ځواکمنولو، انګیزې بښلو او د ملکي خدمتونو د ادارو دبشري سرچینو د ریاستونود کارکونکو تر منځ د سالم رقابت د پیاوړي کولو په نوښت د جوړ شوي پروګرام په ترڅ کې د کلیوبیارغونې اوپراختیا وزارت د بشري سرچینو ریاست د بشري سرچینو د غوره ریاست په توګه ونومول شو.
د غوراوي په دې کمیټه کې د لویې څارنوالۍ، د افغانستان د روڼتیا دڅار ادارې، کابل پوهنتون او د اداري اصلاحاتو او ملکي خدمتونو خپلواک کمیسون ګډون درلود.اود غوره بشري سرچینو ریاست لپاره درې ځانګړنې د بشري سرچینو د فعالیتونو او اجرااتو په اړه د دقیقو معلوماتواو اطلاعاتو شتون، د اصلاحاتو پلي کول او د ادارو د کارکونکو د رضامندۍ کچه په نښه شوې وې.
دا معلومات د وزارتونو او دولتي ادارو د بشري سرچینو، د وزارتونو او دولتي ادارو کارکونکو او دکمیسیون اړوندو مراجعو(د تعیناتو بورډ، شکایتونو ته د رسیدنې بورډ،د انسټیټیوټ عمومي ریاست، د اداري اصلاحاتو د دارالانشا عمومي ریاست اود ملکي خدمتونو د عمومي ادارې ریاست) له خوا د نوموړو واحدونو موخو، پروګرامونو، فعالیتونو اود اجرااتو شاخصونو ته په کتو راټول شوي ارزول شوي او تحلیل شوي وو.
د ملکي خدمتونو د ادارو د غوره ریاستونه په دوو پړاونو کې د ادارد د بشري سرچینوځواکمنولو او پرمختګ لپاره د دارزښتمنو پروګرامونواو کړنلارو طرح کول، د بشري سرچینو د نوښتونه، د کارکونکو توانمنول، همغږي، مراجعینو ته غوره خدمتونه، د کارکونکو د روغتیا تامین او مصونیتاو د بشري سرچینو واحدونوته پوښتنلیکونه استول ددې معیارونو څخه وو.
د همدې ارزونو اوڅیړنو په پایله کې د کلیو بیارغونې او پراختیا وزارت د بشري سرچینو ریاست د ۱۳۹۸ کال لپاره د افغانستان دملکی خدمتونو د ادارې له خوا د غوره ریاست په توګه غوره شو، چې دا لویه لاسته راوړنه د وزارت مشرتابه ټولو کارکونکو په ځانګړې توګه د بشري سرچینو رییس او کارکونکو ته مبارک وي، د الله تعالی له درباره ورته د لازیاتو خدمتونو غوښتنه کوو.
