په پنجشیر کې د۳۵ کیلومتره سړک د تخنیکي سروې چارې پیل شوې
د کلیو بیارغونې او پراختیا وزارت دکلیوالي لار جوړونې پروګرام له لوري د پنجشیر ولایت له پریان ولسوالۍ د۳۵ کیلومتره کانکریټي پوخ سړک د جوړولو د تخنیکي سروې چارې پیل شوې.
دا پروژې د پنجشیر ولایت له عمومي سړک څخه د پریان ولسوالۍ تر شهر بلند کلي پورې د۳ کیلومتره سړک پخول، د پریان ولسوالۍ له دهن اب تل کلي تر تل ښوونځي پورې د۵ کیلومتره سړک پخول، د پنجشیر ولایت له عمومي سړک څخه د یاد ولایت د مرکز اړوند رای زن منهجور کلي پورې د ۱۴ کیلومتره سړک پخول، د عنابه ولسوالۍ له پل ابدره نه تر اصالت خیل کلي پورې د۶ کیلومتره سړک پخول او د رخې ولسوالۍ دبازاردرخیل له کلي تر ګل زنګر کلي پورې د۷ کیلومتره سړک پخول دي، چې په تطبیق سره به یې د یاد ولایت ډیرې ترانسپورتې ستونزې هوارې شي.
