په کاپیسا کې د۱۶۴میلیونه افغانیو په ارزښت د۱۷ کیلومتره سړک دجوړولو چارې پیل شوې
د کلیو بیارغونې او پراختیا وزارت د کلیوالي لار جوړونې ملي پروګرام پر مټ دکاپیسا ولایت په مرکز، حصه اول او حصه دوم ولسوالیو کې د۱۶۴میلیونه افغانیو په ارزښت د۱۷ کیلومتره کانکریټي سړکونو او داوبو وتلو دلارو دجوړولو چارې پیل شوې.
په دې پروژه کې له ملارسول بابا څخه دکاپیسا د مرکز پنجره کلي پورې ۲.۶۱ کیلومتره سړک او داوبو وتلو لار، دحصه اول ولسوالۍ د کهنه ده ۲.۵۷ کیلومتره سړک، د کاپیسا په مرکز محمد عمرخیل کلي کې ۱.۵۸ کیلومتره سړک اود اوبو وتلو لار،د کهنه ده بابا علي له بازاره د کاپیسا د مرکز تاج محمد خیل کلي پورې۳.۰۶ کیلو متره سړک او داوبو وتلو لار او د مرکز له قلعه سید خان له کلي د حصه دوم ولسوالۍ تر قلعه صحرا دشت پورې ۵.۲۶۶ کیلومتره سړک شامل دي.
