په کندهار کې د ۳،۱۸ کیلو واټه لمریزې بریښنا د تولید شبکې کار روان دی
د کلیو بیارغونې او پراختیا وزارت د ولسي تړون ملي پروګرام له لوري د څه باندې ۱.۳ میلیونه افغانیو په لګښت چې لس سلنه د خلکو ونډه هم پکې شامله ده ، د کندهار ولایت د سپین بولدک ولسوالۍ اړوند د حاجي برکت ادوزي پراختیایي شورا له لوري د ۳،۱۸ کیلو واټه لمر یزې بریښنا د شبکې د جوړولو کار روان دې.
په دې شبکه کې ۱۲ تختې ۳۴۰ واټه سولري هیندارې او ۲۰۰ امپیره ۱۲ بطرېو پر نصب سربیره ۱۳۲۰ المونیمي تار غځیدلی دی.
د دغه پروژې د جوړیدو په بهیر کې به تخنیکي او غیر تخنیکي کاریګرو ته ۲۲۵ کارې ورځې رامنځته شي. دیادونې وړ ده چې د دې پروژې په بشپړیدو سره به ترې ۲۷ کورنې ګټه پورته کړي.
