هلمند ولایت کې د استنادي دیوال پروژه بشپړه شوه
په هلمند ولایت کې د کلیو د بیا رغونې او پرمختیا وزارت د سیمه ییز پروګرام له لوري د استنادي دیوال پروژه چې نږدې ۷ میلیون افغانۍ ارزښت لري بشپړه شوه.
د دغې پروژې په ترڅ کې د دغه ولایت په مرکز پورې اړوند فصل باباجي کلي کې د ۲۴۲ مترو په اوږدوالي استنادي دیوال جوړ شو.
د یادې پروژې د تطبیق پر مهال چې له ملي بودیجې تمویل شوې ۳۳۰۳ کاري ورځې رامنځته شوي او د سیمې ۱۷۵۰ اوسیدونکي لدغې پروژې ګټه پورته کوي. د یادونې وړ ده چې د دغې پروژې له لارې په سیمه کې ګڼ شمیر کورونه او کرنیزه ځمکه د سیلابونو له ګواښ څخه خوندي شویده .
