په کندز ولایت کې ۱۰ ښوونځي بشپړ جوړ شول او په دریو نورو ولایتونو کې د څلورو مکتبونو د جوړولو کار ژر بشپړ شي
دکلیو بیا رغونې اوپراختیا وزارت د ولسي ټړون پروګرام داقرا پروژې تر سیوري لاندې دکندز ولایت په امام صیب ولسوالۍ کې لس ښوونځي بشپړ شوي او دکندهار ولایت په پنجوایي او ژیړۍ دکندز په خان اباد او دننګرهار ولایت په مومندرې ولسوالیو کې به څلور نور ښوونځي جوړ شي.
دا ښوونځي به ۱۰ یا ۶ټولګي، تشنابونه او د څښاک داوبو څاګانې ولري. ددې ښوونځیو دجوړولو پر مهال زرګونه کاري ورځې هم رامنځ ته شي.
باید ووایو چې ددې ښوونځیو په جوړیدو سره به دڅه باندې ۳۰۰۰ کورنیو زده کوونکي دښوونې او روزنې وړ چاپیریال بیا مومي، او له جوړو شویو ښوونځیو څخه به نږدې ۱۰۰۰ کورنۍ ګټه پورته کړي.
سر بیره پر دې د کندز په امام صیب ولسوالۍ کې د۸ نورو ښوونځیو د بنسټ دبره هم کیښودل شوه.
