په روزګان ولایت کې له ۱۹ اړو کورنیو سره د څه باندې ۲۰۰ زره افغانيو په ارزښت د خوراکي توکو مرستې وشوې
د کلیو د بیارغونې او پراختیا وزارت د ولسي تړون ملي پروګرام د غله جاتو د بانکونو له لوري له ۱۹ بیوزلو کورنیو سره د څه باندې ۲۰۰ زره افغانيو په ارزښت د روزګان ولایت په مرکز کې د شاه محمود او خیرآباد اوتالاني پراختیایي شورا گانو لخوا د خوراکي او غیر خوراکي توکو مرستې وشوې. دغه مرستې د ولسي تړون د ټولنیز ګډون لپاره د مالي وجهي پروګرام (SIG) لخوا چې د خلکو ونډه هم پکې شامله وه، کلیوالو ته وړاندې شوې چې غنم، وریجې، غوړي، اوړه، لوبیا او بوره پکې شامل وو.
