خوست کې څه باندې د ۱.۸ میلیونه افغانیو په ارزښت د اوبو لګولو د یو کانال د جوړولو کار بشپړشویدی
د کلیو د بیا رغونې او پراختیا وزارت د ولسي تړون ملي پروګرام له لوري څه باندې د ۱.۸ میلیونه افغانیو په ارزښت د اوبو لګولو د یوکانال د جوړولو کار د خوست ولایت د مندوزیو ولسوالۍ اړوند د کټه ساري کلي د پراختیایي شورا لخوا بشپړ او ګټې اخیستنې ته سپارل شویدی. د دغه کانال مجموعي اوږدوالی ۴۰۶ متره دی چې د پروژې د جوړولو په بهیر کې ماهرو او غیرو ماهرو کاریګرو ته ۱۳۲۰ کاري ورځې رامنځته شوي د دغه کانال په ګټې اخیستنې سره به د کلیوالو ۲۰۰۰ جریبه ځمکه خړوبه شي.
