د کابل ولایت په سروبي ولسوالۍ کې د ګبیون ډوله محافظتي دیوال د جوړولو چارې روانې دي
د کلیو بیا رغونې او پراختیا وزارت د سیمه ییز پروګرام له لوري د کابل په سروبي ولسوالي کې د ګبیون ډوله محافظتي دیوال د جوړولو چارې نږدې ۳۰ سلنه مخ ته تللي دي.
پر دغې پروژې چې د جلالتمآب جمهور رییس په ځانګړې سپارښتنه په یاده ولسوالي کې د سیلابونو د زیان د مخنیوي په موخه د تطبیق په حال کې ده چې ۳۳۴ ميليونه افغانۍ لګښت پرې راځي او له ملي بودیجې تمویل شویده.
د دغې پروژې د تطبیق پر مهال شا او خوا سل زره کاري ورځې رامنځته او په بشپړیدو به یې د سیمې ۲۴ زره اوسیدونکي ترې ګټه پورته کړي.
د یادې پروژې په بشپړیدو به چې عملي کار یې په ۱۳۹۸ یم لمریز کال د کليو بیارغونې او پراختیا وزیر پوهندوی مجیب الرحمن کریمي لخوا پیل شو، نه یواځې دا چې د سیلاب د لارې په شا او خوا کې پرتې۱۳۷۶هکټاره کرنیزې ځمکې او سلګونو کورونو ته د سیلاب د زیان د ور رسیدو مخنیوی به وکړي بلکې د سروبي د بریښنا د بند کاسې ته د سیلاب د خړې د ورتګ مخه به هم ونیسي.
