کندهار کې د ۸.۷ میلیونه افغانیو په لګښت د ۳۳.۴۱ کیلو واټه لمریزې بریښنا د تولید د شبکې کار روان دې
د کلیو د بیارغونې او پراختیا وزارت د ولسي تړون ملي پروګرام له لوري د کندهار ولایت په سپین بولدک ولسوالۍ کې د الله داد پراختیایي شورا له لوري د لمر یزې بریښنا د شبکې د جوړولو کار روان دی. د غه شبکه د ۸ میلیونه او ۷ سوه زره افغانیو په لګښت جوړیږي چې لس سلنه د خلکو ونډه هم پکې شامله ده. په دې شبکه کې ۱۷۴ تختې ۳۰۰ واټه سولري هیندارې او ۲۰۰ امپیره ۱۰۴ بطرېو پر نصب سربیره ۴۶۰۰ متره المونیمي تار غځیدلی دی. د دغه پروژې د جوړیدو په بهیر کې د ماهرو او غیر ماهرو کاریګرو لپاره به ۴۲۶ کاري ورځې رامنځته شي. د یادونې وړ ده چې د دې پروژې په بشپړیدو سره به ۲۸۴ کورنۍ ترینه گټـه واخلي.
