په کونړ کې د کانکریټي ډوله پله د جوړولو کار روان دی
د کلیو بیا رغونې او پراختیا وزارت د سیمه ییزو پروګرامونو د همغږۍ دفتر له لوري د کونړ ولایت د ناړۍ ولسوالۍ په ډانګه پور کلي کې له معیارونو سره سم د ۴۲ مترو په اوږدوالي اوسپنیز کانکریټي ډوله پله د جوړولو کار ۸۰ سلنه مخ ته تللی دی.
د یادې پروژې د تطبیق پر مهال به چې له ملي بودیجې تمویل شوې ۴۳۲۰ کاري ورځې رامنځته شي او په بشپړیدو به یې د سیمې ۲۴۵۰۰ اوسیدونکي ترې ګټه پورته کړي. د یادونې وړ ده چې د دغې پروژې په بشپړیدو به هلته د ځايي اوسیدونکو د تګ او راتګ ستونزه هواره شي.
