په کندهار کې د ۳ میلیونه افغانیو په ارزښت د اوبو لګولو د کاریز پروژه ګټې اخیستنې ته وسپارل شوه
په کندهار ولایت کې د کلیو د بیا رغونې او پراختیا وزارت د سیمه ییز پروګرام له لوري د څه باندې ۳ میلیونه افغانیو په ارزښت د اوبو لګولو د کاریز پروژه ګټې اخیستنې ته وسپارل شوه.
د دغې پروژې په ترڅ کې د یاد ولایت د دامان ولسوالي په سرې کلا کلي کې د اوبو لګولو کاریز چې ګڼ شمیر څاګانې، د اوبو زیرمتون او کروندو ته د اوبو د رسولو د ۲۷۰۹ مترو په اوږدوالي کانال لري جوړ شویدی.
د دغې پروژې د تطبیق پر مهال ۳۳۰۱ کاري ورځې رامنځته شوي او د سیمې ۳۰۱ اوسیدونکي له دغې پروژې ګټه پورته کوي. د یادونې وړ ده چې دغې پروژې د سیمې ۲۲۰۰جریبه کرنیزه ځمکه او ګڼ شمیر باغونه د اوبو لګولو تر منظم پوښښ لاندې راوستي دي.
