په کندهار ولایت کې د اوبو لګولو د کاریز پروژه بشپړه شوه
په کندهار ولایت کې د کلیو د بیا رغونې او پراختیا وزارت د سیمه ییز پروګرام له لوري د اوبو لګولو د کاریز پروژه چې څه باندې ۶ میلیونه افغانۍ پرې لګیدلي بشپړه شوه.
د دغې پروژې په لړ کې د اوبو لګولو د کاریز څاه ګانې، د اوبو لګولو کانال او د اوبو زیرمتون د یاد ولایت د تخته پل ولسوالي په حاجي علي شیر کلي کې په پاخه ډول جوړ شوي دي.
د یادې پروژې د تطبیق پر مهال چې له ملي بودیجې تمویل شوې ۳۸۳۱ کاري ورځې رامنځته شوي او د سیمې ۷۵ جریبه کرنیزه ځمکه یې د اوبو لګولو تر منظم پوښښ لاندې راوستې چې ۵۲۷ ځايي اوسیدونکي به ترې ګټه پورته کړي.
