په کندز کې د ۱۲ میلیونه افغانیو په ارزښت ۷ کیلو متره سړک جوړ شو
د کلیو بیا رغونې او پراختیا وزارت د کلیوالي لار جوړولو ملي پروګرام له لوري د کندز ولایت د چهار درې ولسوالۍ د مسجد بای له کلیو تر مجاني کلي پورې د ۱۲ میلیونه افغانیو په ارزښت ۷ کیلو متره په کریړو پوښلی سړک او د هغه جوړښتونه جوړ شول.
دې سړک د د چهار درې ولسوالۍ د مسجد زمان، مسجد جامع قصاب، چاري اباد او فاریابي کلیو ۲۴۵۰ اوسیدونکي د لومړنیو خدمتونو له مرکزونو سره وتړل او په ترڅ کې یې ۲۶۰۰ کاري ورځې رامنځ ته شوې وې.
