په کندز ولایت کې د څه باندې د ۲.۲ میلیونه افغانیو په ارزښت د یوه سړک د بیا رغونې کار روان دی
د څه باندې ۲.۲ میلیونه افغانیو په لګښت د کلیو د بیا رغونې او پراختیا وزارت د ولسي تړون ملي پروګرام دڅارنې، ساتنې او ودانۍ له پاره د پراختیایي نغدي وجهې پروګرام (MCCG) له خوا د یو سړک د جووړلو، شګې اچولو او د ځینو برخو پراخولو او ډکولو کار د کندز ولایت اړوند د نویان د پراختیایي شورا لخوا روان دی. د دغه سړک اوږدوالی نږدې ۴ کیلومتره او پلنوالی یې۳.۵ متره دی چې کار یې تر اوسه ۲۵٪ پرمخ تللی دی. د نوموړي پروژې د کار په بهیر کې ماهر او غیر ماهر کاریګروته به ۴۰۰ کاري ورځې رامنځته شوي او د پروژې د کار له بشپړیدو وروسته به ۲۸۷ کورنۍ ترینه ګټه واخلي.
