په کاپیسا کې د ۴۴۴ متره اوږد استنادي دیوال کار پای ته نږدې شوی دی
د کلیو بیا رغونې او پراختیا وزارت د سیمه ییز پروګرام له لوري د کاپیسا ولایت د حصه دوم ولسوالۍ په کالوته تاجکي کلي کې د ۴۴۴ متره اوږد او ۵ متره لوړ استنادي دیوال کارچې په پاخه او بنسټیز ډول جوړیږي ۹۰ سلنه مخکې تللی دی.
د دې پروژې د پلي کیدا په ترڅ کې ۱۳۲۴ کاري ورځې رامنځ ته شوي چې په بشپړتیا سره به یې د سیمې ۱۶۳۵ اوسیدونکي ددغه دیوال له ګټو برخمن شي، باید ووایو چې په دې پروژې سره نه یوازې دا چې ۳۰۰ جریبه ځمکه او باغونه د موسمي سیلابونو له ګواښه خوندي کیږي بلکې له سیلابونو څخه د خلکو د کورونو ساتنه هم کوي.
د کالوته تاجکي کلي د پرمختیايي شورا د رییس حاجي فضل محمد په وینا دې پروژې یو شمیرسیمه ییزوښځو ته په کور دننه د ګبیون د بوڼلو کار هم پیدا کړی دی.
