په کابل کې د څه باندې ۴ میلیونه افغانیو په لګښت ۵۰ متره کېبلي پُل جوړ شو.
د کلیو بیارغونې او پراختیا وزارت د ولسي تړون ملي پروګرام له لوري د کابل ولایت د ګلدرې ولسوالۍ اړوند په دهنو کلي کې د څه باندې ۴ میلیونه افغانیو په لګښت د یوه کېبلي پُل د جوړولو کار بشپړ او ګټې اخیستنې ته وسپارل شو.
دغه پُل ۵۰ متره اوږدوالی، ۱.۵ متر پلنوالی او ۴۰ متره وینگوالونه لري او ۴۰۷ کورنیو ته یې د تګ راتګ اسانتیاوې برابرې کړې. د یادونې وړده چې د دې پروژې د کار په ترڅ کې تخنیکي او نا تخنیکي کاریګرو ته ۳۲۰۰ کاري ورځې برابرې شوې.
