په کابل کې د اوبو لګولو د کانال ۳ پروژې ګټې اخیستنې ته وسپارل شوې
د کلیو د بیا رغونې او پرمختیا وزارت د سیمه ییز پروګرام له لوري په کابل ولایت د میر بچه کوټ ولسوالي په خروټو کلي کې د نږدې ۱۰ میلیون افغانیو په ارزښت د ۹۱۶ مترو په اوږدوالي د اوبو لګولو د کانال او سوپر پسیج ۳ پروژې بشپړې او ګټې اخیستنې ته وسپارل شوې.
د دغو پروژو په ترڅ کې چې د IFAD په اډانه کې تمویل شوې ۴۸۹۲ کاري ورځې رامنځته شوي او د سیمې ۳۵۰۰ اوسیدونکي له دغو پروژو ګټه پورته کوي. د یادونې وړ ده چې دغو پروژو د سیمې ۵۰۰ جریبه کرنیزه ځمکه او ګڼ شمیر باغونه د اوبو لګولو تر منظم پوښښ لاندې راوستي دي.
