په پکتیا کې د پور او سپما کلیوالي اتحادیو ته د پروګرام لهخوا د بلاعوضه مرستې په توګه مقطعي پانګه تزریق شوه
د کلیو د بیارغونې او پراختیا وزارت د کلیوالي اقتصاد د پياوړتیا ملي پروګرام د پکتیا ولایت مرکز ګردیز او احمد اباد ولسوالۍ کې د پور او سپما ۲۰۰ کلیوالي اتحادیو ته چې ۱۹۶۶ غړي لري، نږدې اووه میلونه افغانۍ بلاعوضه مرسته د مقطعي پانګې ترنامه لاندې د لومړي او دوهم قسطونو په توګه ووېشلې.
همدا راز د احمد اباد په یوې پرمختیایې شورا کې یې د یوې اتحادیې ۹۹ غړیو ته د دریم قسط په توګه څه د پاسه دوه سوه زره افغانۍ مقطعي پانګه ولیږلې.
د یادونې وړ ده، چې دا مرستې د پروګرام تر پوښښ لاندې سیمو کې د اتحادیو لهخوا د اقتصادي چارو د پیاوړتیا، د کوچنیو او منخنیو تشبثاتو د پیل په موخه کلیوالو ته د حسنه پور په توګه ورکول کیږي.
سربېره پر دې، د پکتیا ولایت مرکز ګردیز کې ۲۲ او په احمد اباد ولسوالۍ کې ۱۰ تولیدي ګروپونه جوړ شوي، چې یادو ګروپونو د خپلو تولیداتو د پلورنې په موخه د ګردیز ښار مارکیټونو ته لاسرسی موندلی.
