په پکتیا ولایت کې (۲۱۲) بیلابیلې پراختیايي پروژې ګټې اخیستنې ته وسپارل شوې

noor_admin
پنجشنبه ۱۴۰۳/۵/۴ - ۱۶:۱۰
1

د کلیو د بیارغونې او پراختیا وزارت له لوري او د (UNOPS) دفتر په مالي مرسته د پکتیا ولایت د مرکز ګردیز په بیلابیلو کلیو کې د څه باندې (۳۱۵) میلیونه افغانیو په لګښت د ټولنیز ملاتړ او معیشت پروګرام د (۲۱۲) پراختیايي پروژو چارې بشپړې او نن د یوې غونډې په ترڅ کې د دغه وزارت د سرپرست وزیر الحاج ملا محمد یونس اخندزاده او مل پلاوي له خوا ګټې اخیستنې ته وسپارل شوې.

په دې غونډه کې د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده، مل پلاوي، د دغه ولایت د والي مرستیال انعام الله صلاح الدين، د پکتیا ولایت د علماوو شورا رئيس صالح محمد فقير صاحب، د کلیو د بیارغونې او پراختیا رئیس مولوي ميرزاجان صادق، یو شمیر نورو مسئوولینو، سپین ږیرو او ځوانانو ګډون کړی وو.

په یاده غونډه کې محترم وزیر  صاحب خپله ارزښتناکه وینا وکړه او ویې ویل: د کلیو د بیارغونې او پراختیا وزارت ژمن دی څو د شته اسانتیاوو په لرلو سره د هېواد په لرو پرتو سیمو کې پراختیايي پروژې پلې او عملي کړي.

په دغو پروژو کې د کلیوالي سړکونو جوړول او رغول، د ويالو پخول، د اوبو لګولو کانالونو او کاریزونو جوړول او پاکول، د اوبو لګولو ساختمانونو، د محافظوي او ګبیوني دیوالونو، پلچکونو او پلونو جوړول شامل دي.

د یادو پروژو د کار په جریان کې سلګونه تنه کاریګرو ته د کار زمینه برابره شوې وه او په بشپړیدو سره يې په اړوندو برخو کې د مرکز ګردیز د بیلابیلو کلیو د اوسیدونکو ستونزې هوارې شوې.

تازه خبرونه

سه‌شنبه ۱۴۰۳/۱۱/۲۳ - ۱۲:۴۴
Background image

د غزني ولایت په ناوې ولسوالۍ کې د اوبو بند د جوړولو چارې پیل شوې

د کلیو د بیارغونې او پراختیا وزارت له لوري د غزني ولایت د ناوې ولسوالۍ په فيضو  کلي کې د شاوخوا (۱۹) میلیونه افغانیو په لګښت د اوبو بند د بنسټ ډبره د کليو د بيارغونې او پراختيا وزارت د. . .

پنجشنبه ۱۴۰۳/۱۱/۱۱ - ۸:۵۹
Background image

د کلیو د بیارغونې او پراختیا وزارت د مرکزي او ولایتي رئیسانو روزنیز ورکشاپ ترسره شو

د کلیو د بیارغونې او پراختیا وزارت د ولایتي او مرکزي رئیسانو  درې ورځنی دایر شوی روزنیز ورکشاپ د یاد وزارت د سرپرست وزیر الحاج ملا محمد یونس اخندزاده صاحب په مشرۍ د انټرکانټینینټال هوټل. . .

پنجشنبه ۱۴۰۳/۱۰/۶ - ۱۸:۴۳
Background image

د کلیو د بیارغونې او پراختیا وزارت سرپرست وزیر د بادغیس ولایت د قادس ولسوالۍ د لوی بند د جوړولو د کار له جریان څخه نظارت ترسره کړ

د کلیو د بیارغونې او پراختیا وزارت سرپرست وزیر الحاج ملا محمد یونس اخندزاده او مل پلاوي همدا راز د بادغيس ولايت والي حاجي حافظ محمد امين جان عمري او د بادغيس ولايت امنيه قمندان او يو. . .

BACK TO NEWS