په پکتیا ولایت کې یو کوچنی بند ګټې اخیستنې ته وسپارل شو
د کلیو د بیارغونې او پراختیا وزارت له لوري د پکتیا ولایت په زرمت ولسوالۍ کې د څه باندې (۴.۹) میلیونه افغانیو په لګښت د یوه کوچنۍ بند د جوړولو چارې بشپړې او نن د یوې غونډې په ترڅ کې د دغه وزارت د سرپرست وزیر الحاج ملا محمد یونس اخندزاده، مل پلاوي، د سیمې سپین ږیرو، مخورو او ځوانانو له خوا ګټې اخیستنې ته وسپارل شو.
د یادې غونډي ګډونوالو ته محترم وزیر صاحب وینا وکړه او ویې ویل : د زرمت ولسوالی ولسونو ته ډاډ ورکوم کومي پروژې او کوچنې بندونه چې د کلیو دبیارغونې او پراختیا وزارت له لورې پلې کیږي ټول معیارونه ورته په نظر کې نیول شوي دي او د هیواد د مسلکې انجینرانو له لورې تطبیق کیږي.
دغه بند (۸۵) متره اوږدوالی، (۶.۵) متره لوړوالی او د (۱۵۰۰۰) متر مکعب اوبو ذخیره کولو وړتیا لري.
د یاد بند د جوړولو په جریان کې لسګونه تنه کاریګرو ته د کار زمینه برابره شوې وه او په بشپړیدو سره یې د باران اوبه مهار او د ځمکې لاندې اوبو سطحه به لوړه وساتل شي.
