په نیمروزکې د پور او سپما د کلیوالي اتحادیو او سپما ګروپونو جوړول ترسره شول
د کلیو د بیارغونې او پراختیا وزارت د کلیوالي اقتصاد د پیاوړتیا ملي پروګرام، د نیمروز ولایت په زرنج ښار او چهار برجک ولسوالۍ کې ۲۰۴ ښځینه او نارینه سپما ګروپونه جوړ کړي دي چې ۱۷۵۰ فعاله غړي لري. همدا راز په دې ولسوالیو کې یې ۴۶ د پور او سپما کلیوالي اتحادیې هم تشکیل کړې دي.
نویو جوړ شویو سپما ګروپونو د خپلو منظمو اونیزو غونډو په ترڅ کې وکولای شول، چې څه دپاسه یو میلون افغانۍ وسپموي او نږدې شپږ سوه زره افغانۍ خپلو غړیو ته د پور په توګه ورکړي.
د یادونې وړده، چې د کلیوالي اقتصاد د پياوړتیا ملي پروګرام په دې ولایت کې د خپلو فعالیتونو له پيل راهیسې تر اوسه ۱۱۷۱ سپما ګروپونه د ۱۱۳۵۹کلیوالو په غړیتوب سره جوړ کړي چې ۸۰٪ یې مېرمنې دي.
