په نورستان کې د ۲۷۹ ميليونه افغانیو په ارزښت د دوو سړکونو او ۳۲ ښوونځيو د ودانیو د جوړولو چارې پیل شوې
د جمهور رئیس سلاکار او د مالیې وزارت سرپرست وزیر محمد همایون قیومي، د کليو بیارغونې او پراختیا وزیر پوهنمل مجیب الرحمن کریمي، د لوړو زده کړو وزیر عبدالتوب بالاکرزي ، د اوبو او انرژي وزیر محمد ګل خلمي لخوا په نورستان کې د کليو بیارغونې او پراختیا وزارت لخوا د دوو سړکونو د جوړولو چارې پیل شوې.
په دې دوو سړکونو کې چې یو یې ۵۱۰ متره اوږد کانکریټي سړک دی او د نورستان مرکز پارون له کامدیش ولسوالۍ سره نښلوي، د نږدې ۸۰ ميلیونه افغانیو په ارزښت او بل سړک چې ۲۵،۸ کیلومتره اوږدوالي لري ، د ۲۰۰ ميليونه افغانیو په ارزښت جوړیږي.
د دې ترڅنګ د کليو بیارغونې او پراختیا وزیر او ورسره مله پلاوي په نورستان کې د ۱۶۹ ښوونځيو له ډلې د ۳۲ ښوونځيو ودانیو جوړولو چارې هم پیل کړې.
