په ننګرهار کې پر ۱۰۰۰ بې وزله کورنیو خوراکي توکي وویشل شول
د ننګرهار کلیو بیا رغونې او پراختیا ریاست ترچتر لاندې له کلونو وروسته په حصارک ولسوالۍ کې اړمنو کورنیوته د خوړو نړیوال پروګرام WFP په مالي مرسته د FGA په تخنیکي همکارۍ پر ۱۰۰۰ بې وزله کورنیو د خوراکي توکیو مرستې وویشل شوې.
پدې مرستو کې ۹۲ کیلو ګرامه اوړه ، ۹ لیتره غوړي او مالګه شامل دي چې پر۱۰۰۰ بې وزله او مستحقو کورنیو وویشل شوې.
د کلیو پراختیاریاست په همکارۍ په داسې حال کې په لرې پرته ولسوالۍ حصارک کې اړمنو کورنیو ته خوراکي توکي ویشل کیږي چې په بازارونو کې د لومړنیو خوراکي توکیو بیې د پخوا په پرتله لوړې شوې دي.
