په ننګرهار کې له ۳۴ اړو کورنیو سره د ۶۸ زره افغانيو په ارزښت د خوراکي توکو مرستې وشوې
د کلیو د بیارغونې او پراختیا وزارت د ولسي تړون ملي پروګرام د غله جاتو د بانک له لوري له ۳۴ اړو کورنیو سره د ۶۸ زره افغانيو په ارزښت د ننګرهار ولایت د خوږیاڼو ولسوالۍ اړوند د بانډو کلي د پراختیایي شورا لخوا د خوراکي توکو مرستې وشوې. دغه مرستې د ولسي تړون د ټولنیز ګډون لپاره د مالي وجهي پروګرام (SIG) لخوا چې د خلکو ونډه هم پکې وه، کلیوالو ته وړاندې شوې چې اوړه، غوړي، چای، دال او بوره، پکې شامل وو. د بې روزګارۍ او موسمي لوږې په موده کې د کلیو اړو کسانو ته د غله جاتو بانکونو له لارې مرسته، دشتمنو خلکولخوا د بې وزلو دلاسنیوي کلتور خپروي.
