په ننګرهار کې د ۴ ميليونه افغانيو په ارزښت يوه پرمختيايي پروژه بشپړه شوه
د کليو بيا رغونې او پرمختيا وزارت د ولسي تړون پروګرام له خوا د ننګرهار په کامې ولسوالۍ د ودانيزو چارو د ساتنې او څار د پرمختيايي وجهي نغدي پروګرام له خوا د ۴ ميليونه افغانيو په ارزښت د کوچ کلي سرک او دوه پلچکونه ورغيدل. دا سرک ۲ کيلو متره اوږدوالي لري او ۵ متره پلن دي غاړو ته يې سنګ کاري شوې او د کار په ترڅ کې يې ۱۷۱ فني او نافني کارګرو ته د کار زمينه برابره شوې وه، اوس به د کار په بشپړتيا سره ۵۵۰ کورنۍ له دې سرکه ګټه واخلي.
