په ننګرهار کې د ۱۵ میلیونه افغانیو په ارزښت د ۱۲۶۰ متره استنادی دیوال د جوړیدو چارې روانې دي
د ننګرهار کلیو بیارغونې او پراختیا ریاست د سیمه ییزې پراختیا Regional Program له لوري د نږدې ۱۵ میلونه افغانیو په ارزښت د یوه استنادي دیوال د جوړیدو چارې روانې دي.
دغه استنادي دیوال د بټی کوټ ولسوالۍ په چهاردهي سیمه کې د ۱۲۶۰ مترو په اوږدوالي سره جوړیږي چې ۱۳۵ جریبه کرنیزه ځمکه او په لسګونو کورونه به د سیلابونو له ګواښ څخه و ژغوري. ددې دیوال په جوړیدو د سیمې اوسیدونکو ته ۹۴۲۲ کاري ورځې هم ایجادیږي او په یاد سیمه کې ۱۸۲۰ کورنۍ ددې پروژوې څخه په مستقیم او غیرمستقیم ډول ګټه اخلي.
